寂止修法 甚深寂止教授 瀰胖尊者 །ཞི་གནས་ཀྱི་གདམས་པ་ཟབ་མོ།

 

寂 止 修 法

甚深寂止教授       瀰胖尊者

༄༅། །ཞི་གནས་ཀྱི་གདམས་པ་ཟབ་མོ།

འཇམ་དཔལ་དབྱངས་ལ་ཕྱག་འཚལ་ལོ། །

སེམས་ལ་དམིགས་ན་ཞི་གནས་འགྲུབ། །རིམ་གྱིས་གནས་ལུགས་ལྷག་མཐོང་སྐྱེ།

།དེ་ལ་རང་སྙིང་སྟོང་པའི་ངང་། །གསལ་ལེ་སང་ངེ་བ་ལེ་ནི།

།ཤེས་པ་ནང་དུ་བཀུག་ནས་བཞག །སེམས་ཀྱིས་སེམས་ལ་དམིགས་ཞེས་བྱ།

།སེམས་ལ་དམིགས་ན་སེམས་ནི་འདི། །ཞེས་པའི་གཏད་སོ་མི་དམིགས་ཀྱང་།

།སེམས་ཞིག་ཡོད་ན་ལུས་ཀྱི་ནང་། །སྙིང་དབུས་མིན་པ་གར་ཡང་མེད།

།མི་དྲན་དགུ་དྲན་འགྱུ་རྟོག་གི། །བྱུང་ཁུང་དེ་རུ་བལྟ་བཞིན་གནས།

།སེམས་བཙལ་མི་བྱ་ལྷན་ནེར་བཞག །བཞག་ས་ཡོད་མེད་བྱ་མི་དགོས།

།བཞག་རྒྱུའི་སེམས་ཡོད་དེ་གས་ཆོག །ཁོང་ནང་སེམས་དེ་ཉལ་མལ་དུ།

།ན་ནོར་ཞོག་དང་དེ་ག་རང་། །བཞག་ཐབས་ཡིན་གྱི་གཞན་མི་དགོས།

།ཆུ་ལ་ཉི་འོད་ཕོག་པ་ཡི། །ཟེར་མ་ལྷམ་ལྷམ་གཡོ་བ་ལྟར།

།སེམས་རྟོག་འགྱུ་བ་མྱུར་མྱུར་པོ། །ཐད་ཀར་བཀག་པས་མི་ཁེགས་ཏེ།

།ཆུ་དེ་མ་བསྒུལ་རང་བཞག་ན། །ཟེར་སྣང་དེ་ཡང་ལྷན་ནེར་ལྷོད།

།དེ་བཞིན་འགྱུ་བ་ཀྱང་མེད་པོའི། །འབྱུང་ཁུངས་ཤེས་པ་ལྷན་ནེར་ཞོག  一本作་ཅང་མེད་པའི

།དེ་ངང་མ་བརྗེད་དྲན་པའི་རྒྱུན། །བར་མེད་ལུ་གུ་རྒྱུད་དུ་བརྟེན།

།སྟོང་སང་འདྲ་ཡང་དེ་གར་ཞོག །གསལ་གསལ་འདྲ་ཡང་དེ་གར་ཞོག

།འགྱུ་འགྱུ་འདྲ་ཡང་དེ་གར་སྡོད། །ཙེན་ནེ་ཀ་རེ་རྗེན་ནེ་བ།

།ཅི་འདྲ་བྱུང་ཡང་དེ་གར་ཞོག །སྟོང་ངོ་གསལ་ལོ་འགྱུའོ་ཞེས།

།ཤེས་ཀྱང་དེ་གའི་རྗེས་དེད་སྤོང་། །ཤེས་པ་རང་མལ་རང་སོར་ཞོག

།དེ་ལ་གོམས་འདྲིས་ཡུན་རིང་བྱ། །འདྲ་དཔྱད་རྟོག་ཆེན་རང་སར་བསྐྱུར།

།རེས་འགའ་མི་འགྱུ་རྨུགས་པ་ན། །བྱིང་བ་གསེང་ལ་རང་གར་ཞོག

།རེས་འགའ་འགྱུ་དྲན་དྲག་སྐྱེ་ན། །འགྱུ་འགྱུ་པོ་དེ་སེམས་ཡིན་པས།

།དེ་ཡི་སྟེང་དུ་ལྟོས་ལ་ཞོག །འགྱུ་རྗེས་མ་མཐུད་རང་ས་ཟུང་།

།དེ་ནས་འགྱུ་བ་རང་འགག་འགྱུར། །འགྱུས་དང་མ་འགྱུས་ཐམས་ཅད་ཀུན། །

ཚོར་ཙམ་བྱུང་ཡང་སེམས་ཀྱི་སྟེང་། །སེམས་ནི་རང་བཞག་ཅེས་བྱའོ།  ་羅扎瓦原文為་སྟོང應有誤

།སེམས་དེ་སྙིང་དབུས་མལ་བཞག་གམ། །རང་སེམས་རང་བབ་ལྷོད་དེ་ནི།

།འགྱུ་དྲན་འཇུར་མདུད་རང་ཁྲོལ་བཞག །རྣམ་རྟོག་འགྱུ་བ་ཟད་མེད་པོ།

།རང་གར་ཡར་བའི་དུས་མེད་ལ། །ཇི་ཙམ་འགྱུས་ཀྱང་འབྲས་བུ་མེད།

།ངན་རྟོག་སྡུག་བསྔལ་ཟད་མི་ཤེས། །དེ་བས་འདི་ཡི་མཚངས་རིག་ནས།

།ཐོག་མེད་དུས་ནས་འདི་དབང་སོང་། །དེ་ཕྱིར་ཡོན་ཏན་ཅང་མ་ཐོབ།

།ད་ནི་འདི་ལ་ཞེན་ལོག་ནས། །ཅི་ནས་སེམས་གནས་བསྒྲུབ་བྱས་ན།

།ཏིང་འཛིན་མངོན་ཤེས་ལ་སོགས་པའི། །ཡོན་ཏན་རྣམ་མང་ཐོབ་འགྱུར་ཞིང་།

།རྣལ་གནས་རང་དབང་བདེ་མཆོག་རྙེད། །དེ་ལྟར་སྐྱོན་ཡོན་ཤེས་པའི་བློའི།

།ཅི་ནས་སེམས་ལ་དབང་བསྒྱུར་ནས། །ཇི་སྲིད་ཞི་གནས་མ་ཐོབ་བར།

།བརྩོན་པ་ལྷོད་པ་མེད་པར་བྱ། །དེ་ལྟར་ཡང་ཡང་གོམས་པ་ལས།

།སྙིང་དབུས་རླུང་འདུ་དབུ་མར་འཇུག །རྣམ་རྟོག་མགོ་རྒོད་ཇེ་ཞི་དང་།

།རང་སེམས་ལས་རུང་ཇེ་བཟང་འགྱུར། །བླ་མའི་ངོ་སྤྲོད་གཞན་མེད་ཀྱང་།

།མན་ངག་གནད་ཀྱི་བཞག་ཐབས་འདི། །སེམས་གནས་སླ་ལ་རླུང་གེགས་མེད།

།སེམས་ལ་དམིགས་པ་འདི་ལྟ་བུས། །ནང་དུ་ཡང་དག་བཞག་པ་ན།

།ཏིང་འཛིན་ལས་སུ་རུང་བ་ནི། །དཀའ་ཚེགས་མེད་པར་མྱུར་དུ་རྙེད། །

སྙིང་གའི་ཕྲ་ཐིག་འདིར་མི་དགོས། །ཁ་དོག་ཡི་གེ་རླུང་འཛིན་མེད།

།རང་སེམས་ཡོད་པ་དེ་ཉིད་ལ། །ལྟ་བཞིན་དྲན་རྒྱུན་བསྐྱང་བ་ཡིན།

།འདི་བས་ཟབ་པའི་ཞི་གནས་ཀྱི། །གདམས་པ་བྱ་སླ་དོན་ཆེ་མེད།

།དང་བོར་སེམས་གནས་གྱུར་ནས་ནི། །སེམས་ཀྱིས་སེམས་ལ་བལྟས་པ་ན།

།ནམ་མཁར་བལྟས་ཤིང་བལྟས་པ་ན། །མཐོང་བའི་དངོས་པོར་མི་དམིགས་ལྟར།

།ལྟ་ངན་ཀུན་ལས་རང་གྲོལ་ནས། །སྟོང་གསལ་ཟུང་འཇུག་སེམས་ཀྱི་གསང་།

།ཆོས་ཉིད་གནད་ལ་འཆར་བ་ཡིན། །དེ་ནས་རིག་སྟོང་གཉུག་མ་ཆེ།

།ལྷན་སྐྱེས་ཡེ་ཤེས་རང་བྱུང་བ། །འོད་གསལ་རྫོགས་པ་ཆེན་པོའི་དོན།

།བརྒྱུད་པའི་བྱིན་རླབས་ལས་མཐོང་འགྱུར། །

 

མེ་རྟ་ཟླ་༢ཚེས་༦གུང་ཐུན་ལ་མི་ཕམ་པས་བྲིས་པ་དགེ།

 

 

甚深寂止教授  

        濔胖尊者 著

 

頂禮文殊師利

觀照於心寂止成 漸漸本性勝觀生。

 

此者心臓空空態 明晰淨明生動者  開放鮮活

覺知內收而安住 此名以心觀照心

若觀照心則所照 此心標的不可得

心若有必在身中 若非心內哪也無

動念胡思亂想的 源頭觀照態中住 （只盯著 看著源頭而禪修）

莫追尋心鬆坦住安詳 住處有無不察究

有個住心就夠了 腔內那心就那樣

安然窩其床榻上 就這住法不須別

 

宛如日光照水上 光點閃閃飄蕩般

心念快速閃動著 直直擋也擋不住

水若不動自靜住 光相也自平靜去

如是念動窮盡之 源頭照心寬坦置放

不失此態覺照之流 無間鏈環依止之

空瀅態也如其住 明晰晰也如其住  心置自榻

閃動態也如其住 純一愕然赤裸裸  全心即其  清新？赤裸

怎麽顯都如其住 空噢朗噢動噢斯 這些

知亦於彼斷追逐 心置自榻原地上

於此長期熟悉之 大伺察念棄原地

時或不動暗沉哪 昏沉醒之隨適住 悠然

時或念頭猛生哪 那閃閃者即心故

即於彼上照而住 念尾不續攝本位  不補位補丁

隨之念動自消停 一切念頭動不動

即便感受亦心之上 心自安住之名也

彼心置心間榻或 自心本樣鬆任之

動念結自鬆解住

妄念逸動無消停 沒有自然散離時  མེད་པོ

怎麽動也無成果 惡念苦惱無盡期  沒得功用

是故當識此過已 無始以來受他控

因而功德無所得 今若於此生厭離

誓必修持住心哪 必獲神通三摩地

等等諸多功德且 自主住真得勝樂  契真

如此以知功過慧 務必駕馭主宰心

直至寂止未得前 必當精勤莫鬆懈

 

由此再三純熟已 氣聚心間入中脈

念頭狂亂越止息 自心堪能也越好

雖無師另作直指 依此關鍵住法訣

心易入住無氣障 依此緣注於心來

（收心）向內真實住 堪用等持之能力

無有困難速獲得

心間細點這不用 亦無顔色字持氣

唯於自心存在上 覺照正念續護持 保任

無有較此更深易 利益更大寂止教 授

 

先行達成住心後 若再以心看著心           

若於虛空一再看 當見見體無可見緣

惡見自然超脫已 空昭雙運心之密

法性訣中顯現矣 然後覺空大元始

具生本智自生者 光明大圓滿之義

將因傳承加持見                

火馬年一月初六日午座間瀰胖書  

善哉                              

20241213桑仟為自用故 無法定調而不成熟的譯於金碧